မပေါင်းဖြစ်တဲ့အချစ်တွေကို
ဝဋ်ကြွေးလို့သတ်မှတ်
အဆုံးဖြတ်က
မလှမပ
ငါ့ဘ၀ကို
မကျေနပ်ဘူး….။
မင်းခင်းပေးတဲ့လမ်း
မလျှောက်လှမ်းရဲဘူး
ဘ၀တွေကခြားနား
တာဆီးကာထားတဲ့
ဂုဏ်ဓနတံတိုင်းကြီးက
ငါတို့ကို
အားနည်းစေလို့ပါ…။
မင်းဘ၀က
သဇင်ပန်း
ပင်မြင့်မှာပွင့်လန်းတဲ့
နန်းမြင့်တဲ့ပန်းသဇင်ကို
တော်ဝင်သူတွေကသာ
ပန်ဆင်ထိုက်တာပါ…။
ငါ့ဘ၀က
ခရေပန်း
လေဝေ့လို့ကြွေကျ
မြေခရတဲ့ဘ၀မို့
ပင်မြင့်က
ပန်းသဇင်ကို
မမှန်းရဲပါဘူး….။
စောင့်နေပါ့မယ်
ကြွေကျမြေခတဲ့အချိန်ထိ…….။
ဗိုလ်ကော (ကျောက်ကာ)
0 comments:
Post a Comment