လမင်းအိမ်

တမ်းတခြင်း

ဘ၀မှာမင်းနဲ့ပတ်သက်သမျှကိုယ့်အတွက်တော့
အရာအရာအမှတ်တလေးများပါပဲ........။
ကမ္ဘာကျော်ပြတိုက်မှာအမှတ်တရဖြစ်ချင်မှဖြစ်မယ်
ကိုယ့်ရင်ခွင်ကိုယ့်ပြတိုက်မှာ
မင်းနဲ့ပတ်သက်တာပဲအမှတ်တရမှတ်တမ်းပေါ့.....။
လျှောက်ခဲ့ဖူးတဲ့လမ်းမများက
ကိုယ်ဖြတ်လျှောက်တိုင်းမင်းကိုအမှတ်ရတယ်
စောင့်ခဲ့ဖူးတဲ့ကားမှတ်တိုင်လေးကိုငေးကြည့်ရင်
မင်းကိုမျှော်ခဲ့ဖူးတဲ့နှလုံးသားလေးမျက်နှာငယ်လို့
ထိုင်ခဲ့ဖူးတဲ့လဘက်ရည်ဆိုင်လေးရောက်တိုင်း
ကော်ဖီသောက်ရတာအဖော်မဲ့နေတယ်
အတူတူဖူးမြှော်ခဲ့တဲ့စေတီပုထိုးတွေကိုရောက်တိုင်း
ဆုံပါစေသားဆိုတဲ့ဆုတောင်နဲ့
အထီးကျန်နေ့ရက်များရဲ့နာကျင်မှုက
ဘ၀ကိုရင်မောစေတယ်လေ
လျှောက်ခဲ့သမျှ မမောတမ်း
ထိုင်ခဲ့သမျှဆိုင် အလွမ်းမှတ်တိုင်တွေလား
အချစ်ရေ......
ဆုံခွင့်မရှိသေးတော့လည်းအမှတ်တရတွေကို
သတိရရင်း.......
အမှတ်ရရင်း အမှတ်တရရှိနေတော့တယ်....။

အလွမ်းတစ်ဆင်စာ

ရင်ကွဲပက်လက်ရာသီ

နာရီမရှိဘူး

ရာသီမသိဘူး

နောက်ကျမှန်းသိရက်နဲ့

တိုးဝင်နေတာမှမဟုတ်တာ

သူ့အလိုလိုဖြစ်တည်သွားတဲ့

နှလုံးသားရဲ့စေညွှန်ရာကို

လိုက်ကရတဲ့ငါ့အဖြစ်ပါ..........။

ငါဘယ်လောက်ချစ်တဲ့အကြောင်း
မင်းကိုစာလုံးပေါင်းပြဖို့အခွင့်ရေးမှမရှိတာ
ငါ့မနက်ဖြန်တိုင်းကို
အလွမ်းနဲ့ပဲမျက်နှာသစ်ဖို့
ပြဋ္ဌာန်းခဲ့တာလား
နာရီမရှိဘူး
ရာသီမသိဘူး
မနက်ဖြန်မရှိဘူး
ယခုမရှိဘူး
...................မရှိဘူး
ငါ့ဘ၀တစ်ခုလုံး
မင်းကိုလွမ်းဖို့ပဲရှိတယ်.....။

ယုံကြည်လျက်

ကျေးဇူးပါပဲကွယ်….

”မမေ့ဘူး“ဆိုရုံလောက်နဲ့တင်

ယိုင်နဲ့နဲ့ခြေလှမ်းတွေ အာဟာရဖြစ်ပါတယ်…။

တကယ်ဆို

အရိပ်မဲ့တဲ့ရင်ခွင်မှာ

တောင်းဆိုခွင့်က အဲဒီလောက်မှမရှိတာ….။

ယူမိခဲ့တဲ့ယုံကြည်မှုတွေ

အလွဲသုံးစားမဖြစ်စေဖို့

စကားတွေနဲ့ပဲနှစ်သိမ့်နေခဲ့ရတာ

အားနာလှပါပြီကွယ်….။

ဘယ်တော့လဲလို့ မမေးပါနဲ့ကွယ်

တစ်နေ့နေ့ဆိုရင်လည်း

အဲဒီနေ့မှာ

ငါ့ရှေ့မှာ မင်းရှိနေဖို့က အရေးကြီးတယ်လေ…..။

နှစ်ကိုယ့်တစ်စိတ်ဆိုတဲ့အသိနဲ့

ကတိတွေနှစ်ရှည်လများဖြစ်တော့မှ

”မချစ်တော့ဘူး“ လို့ဆိုလာခဲ့ရင်

မပြောပါနဲ့ဦး

ငါအရင်မုန်းပါရစေ........။

ဆုံနိုင်ခွင့်ဆိုတဲ့မျှော်လင့်ချက်နဲ့

ဇောက်ထိုးမိုးမျှော် ထုဆက်မှုတွေအတွက်

အရှုံးနဲ့တော့ အဆုံးမသတ်သင့်ဘူးထင်လို့လေ…..။

ဥာဏ်လင်း (တောင်ပြုံးသား)

လိုက်ရဲလား

အိပ်မက်တောင်လူလူသူသူမက်ခွင့်မရှိသူလေ

များများစားစားဆိုလို့ မာနတွေပဲ

သုံးမကုန်စွဲမကုန် ချမ်းသာသူပေါ့….။

ယုံကြည်ရာကိုသက်သေထားရင်းကပဲ

ကြက်ခြေတွေများလွန်းလှတဲ့အတိတ်နဲ့

အရိပ်မရှိတဲ့လူတစ်ယောက်ပေါ့…..။

ဖိနပ်မပါ နေပူအောက်

ထီးမမိုးဘဲ လျှောက်ရဲတယ်ဆိုရင်ပေါ့…။

အလင်းရောင်မရှိပါဘူးကွယ်….

တစ်ခါတစ်ရံစိုပြေတဲ့အခါ

မှောင်မိုက်တဲ့ညတွေထဲ

ဖိယောင်းတိုင်မီးနဲ့နေရဲတယ်ဆိုရင်ပေါ့….။

မတောင့်တပါနဲ့ကွယ်

ကြောင့်ကြစရာကြုံလာတဲအခါ

အစာအိမ်နဲ့လွန်ဆွဲ ပိုက်ဆံနဲ့ရန်ဖြစ်ရဲတယ်ဆိုရင်ပေါ့…..။

မလာပါနဲ့ကွယ်…..

မခေါ်ရဲတယ်မထင်ပါနဲ့

အခေါ်ခက်နေတာမို့

ပျော်ရက်တွေမရှိနိုင်တာသိလျက်နဲ့

ကတိတွေဆက်ခိုင်မာနေမယ်ဆိုရင်ပေါ့…..။

ငါ့နှလုံးသားတစ်ခုတည်းနဲ့

ရောင့်ရဲတတ်အောင်နေနော်….။

လေလွင့်ငှက် (ဆပ၀)

လူလိမ်သစ္စာ

ရင်ခုန်သံတွေကို

သံစဉ်မညှိတတ်တဲ့…..ငါ

အခု ရင်ခုန်သံတွေ အသံမမည်တော့ဘူး….။

အချစ်ကို ကိုးကွယ်ခဲ့တဲ့….ငါ

အချစ်နဲ့ ကစားတတ်လာပြီ။

မင်းပြောတဲ့ “ တုံးတိတိ ရိုးအတဲ့ ” ငါ

လှပစွာ လိမ်ညာတတ်လာပြီလေ…..။

အလွမ်းတွေကို သိမ်းဆည်းတတ်တဲ့…..ငါ

မျက်ရည်တွေကို ကျောခိုင်းတတ်လာပြီ။

ဒါပေမယ့်

မင်းကို ချစ်မိတဲ့…..ငါ

အခုထိမေ့မရပါဘူး…..။

ကိုလူချော။

အကန့်အသတ်မဲ့ ရပ်နားခြင်း

ဝေါဟာရတွေ
ကျိုး/ပြတ် သွားလို့
ငါ့ကဗျာလေး ခဏရပ်ထားတယ်။
ရက်အကန့်အသတ်မရှိပေါ့..။

စကားလုံးဆိုတာ
နှလုံးသားရဲ့ညွှန်းဆိုရာ
သံယောဇဉ်ရဲ့ နိမိတ်သင်္ကေတ
ရင်းနှီးတွယ်တာမှုရဲ့ပုံရိပ်.....တဲ့။

တစ်စိတ်တစ်ဒေသလောက်မှ
ထပ်တူမကျတဲ့ ရင်ခုန်သံကို
ငါ ဘယ်လိုရှေ့ဆက်ထုဆစ်ရပါ့မလဲ။

နာကျင်ကြေကွဲခြင်းတွေရဲ့ကြား
ဗျာများနေရမယ်ဆိုရင်တောင်
ခံစားချက်ကိုတော့ လှောင်ပြောင်မခံနိုင်ဘူး။

ဒါ့ကြောင့်
ငါ့ကဗျာလေး ခဏရပ်ထားတယ်။
ရက်အကန့်အသတ်မရှိပေါ့......။
နိုင်လွမ်းအောင်(ဟင်္သာတ)

ကဗျာဆရာဆိုတာ....

“ငါဟဲ့” အားခဲ
ကျားဇွဲသွင်းလျက်
စာရွက်ရှေ့ထိုင်
ဘောလ်ပင်ကိုင်ကာ
ကဗျာရေးရန်
ရှာတွေးကြံလည်း
ကာရန်လွဲသာ
ပေါ်ထွက်လာသည်
ရင်မှာခံစားချက် မရှိလို့။ ။
နိုင်လွမ်းအောင် (ဟင်္သာတ)

အိပ်မက်လှလှလေးတစ်ခုအကြောင်း

လှလိုက်တဲ့ အိပ်မက်ကလေး
မနက်လည်းမိုးလင်းရော ကျပျောက်သွားပေါ့

ရည်ရွယ်ချက်နဲ့ တမင်မက်ခဲ့တာ မဟုတ်တော့လည်း
အမှတ်မထင်ရောက်လာတဲ့ အိပ်မက်လှလှလေးကို
လွမ်းမော တ သ.............။

ပြန်မက်ခွင့်ဆိုတာ ရှိပါဦးမလားလို့ စဉ်းစားမိလိုက်တိုင်း
မက်ခဲ့ဖူးတဲ့ အိပ်မက်ထဲ တစ်ခေါက်ပြန်အလည်သွားချင်တယ်...။

ညီမလေးပြောပြောနေတဲ့ “အလွမ်း” ဆိုတာ
ရင်ထဲကို နင့်နင့်နဲနဲရောက်လာတတ်တဲ့ တမ်းတခြင်း တစ်မျိုးလား။

အခုတော့
အိပ်မက်လှလေးမက်ခဲ့တဲ့နေ့ကို
ဘယ်လိုမေ့ပျောက်နိုင်ပါ့မလဲ..............။

စိတ်ကူးနဲ့ မက်တဲ့ အိပ်မက်
နောက်ထပ်တစ်ခါမက်ခွင့်ပေးမယ်ဆိုရင်
သူသာလျှင် အခရာ
သူသာလျှင် အိပ်မက်ကဗျာလေးပေ့ါ...။

ဆက်ဖတ်ရန်

မျဉ်း

နာရီဟူသည်

ကာလ သက္ကရာဇ် နေစက်ဝန်းတို့၏

ပုံရိပ်ကို ထွင်းထုခြင်းခံထားရသော

မာယာ၏ ညွှတ်ကွင်း…..။

ငါသည်းကား

နဂါးငွေ့ သက်တန့် ကျောက်ဆောင်

ပင်လယ်ပြင်တို့စီးဆင်းရာ

ကန်သင်းမျှသာတည်း…..။

မင်းညိမ်း (ဒေါင်းဖြူ)

ပဉ္စလက်နံရိုး

ဒါဟာ…..

ဘုရားသခင်ရဲ့အပျော်ကျူးမှုကြောင့်

ပေါက်ဖွားလာတဲ့ အိပ်မက်ဆိုးတစ်ခုပါ…။

မင်းလှည့်စားခဲ့တာမဟုတ်ဘူး

ချစ်တရားကို မိတ်ဖွဲ့လိုတဲ့

မောင်းနှင်အားဆန္ဒကြောင့်

ငါကိုယ်တိုင်က ဒီသစ်သီးကို မြတ်နိုးခဲ့တာပါ…။

ငါဖန်တီးထားတဲ့ ခေတ်သစ်ကျမ်းစာမှာ

တို့နှစ်ယောက်ဝေးကွာသွားတဲ့စာမျက်နှာက

လူတိုင်းရဲ့သေရာပါနှလုံးသားမှာ

အရမ်းကိုခမ်းနားလွန်းခဲ့တယ်…။

ဆက်ဖတ်ရန်

ဘာကြောင့်လဲ

မြေခတစ်ပွင့်ရဲ့ တံခါးခေါက်သံမှာ

မရိုးသားမှုတွေမရှိခဲ့ပါဘူး

ချစ်သူကသာ နမ်းရှိုက်မယ်ဆို

ခြောက်သွေ့တဲ့အထိ ရနံ့ပေးမယ့်

နှလုံးသားတစ်ခုပေါ့….။

မြေခပန်းတစ်ပွင့်ရဲ့ ရနံ့ဟာ

ချိုမြိန်နေမယ်ဆိုတာ

မာယာလှည့်စား

မိစိမ်းကားတို့ မသိလို့လား….။

ပွင့်ချပ်တစ်ခုရဲ့ လမ်းလျှောက်သံတိုင်းမှာ

မျှော်လင့်ရှိတယ်လို့

မိညိုမတို့ မေ့လို့နေလား…..။

နှလုံးသားတေးသွားတစ်ချို့ရဲ့

မိုးမလုံမှုဟာ

ကိုယ့်အတွက် အပြစ်လားချစ်သူ….။

ကိုလူချော။

ကွက်လပ်

အချစ်ဆိုတာဘာမှန်းမသိ

ရှာကြံကြည့်ပေမယ့်

ဘာမှန်းကို မသိသေးပါဘူး….။

အလွမ်းဆိပ်

မသင့်ဖူးလေတော့

အခန်းပိတ်ယစ်မူးချင်ပေမယ့်

ပန်းအဆိပ်မလူးထားတဲ့

ဖဲမွေ့ယာသာ ဖြစ်ခဲ့တယ်…။

အချစ်အမုန်းမသမ်သေးတဲ့

နှလုံးသားအရိုင်းလေးမို့

ချစ်သူများရဲ့

ဟောဒီ….ချစ်သူများနေ့မှာ

အချစ်နွှဲပျော် ယစ်ပွဲအော်ဖို့

ကြေငြာမောင်လေးခတ်လိုက်ချင်တယ်

“ရင်ခွင်တစ်ခုလပ်နေပါတယ်” လို့….။

ဗေဒါအောင် (စကု)။

ပြီးဆုံးသွားပြီထင်ပါတယ်

မပေါင်းဖြစ်တဲ့အချစ်တွေကို

ဝဋ်ကြွေးလို့သတ်မှတ်

အဆုံးဖြတ်က မလှမပ

ငါ့ဘ၀ကို မကျေနပ်ဘူး….။

မင်းခင်းပေးတဲ့လမ်း မလျှောက်လှမ်းရဲဘူး

ဘ၀တွေကခြားနား

တာဆီးကာထားတဲ့ ဂုဏ်ဓနတံတိုင်းကြီးက

ငါတို့ကို အားနည်းစေလို့ပါ…။

မင်းဘ၀က သဇင်ပန်း

ပင်မြင့်မှာပွင့်လန်းတဲ့ နန်းမြင့်တဲ့ပန်းသဇင်ကို

တော်ဝင်သူတွေကသာ ပန်ဆင်ထိုက်တာပါ…။

ငါ့ဘ၀က ခရေပန်း

လေဝေ့လို့ကြွေကျ မြေခရတဲ့ဘ၀မို့

ပင်မြင့်က ပန်းသဇင်ကို

မမှန်းရဲပါဘူး….။

စောင့်နေပါ့မယ်

ကြွေကျမြေခတဲ့အချိန်ထိ…….။

ဗိုလ်ကော (ကျောက်ကာ)

အဆုံးစွန်ထိရောက်နေသူ

နေဆိုရင်လည်း ရဲရဲပူမှ

လဆိုရင်လည်း ထိန်ထိန်သာမှ

မိုးဆိုရင်လည်း ဖြိုင်ဖြိုင်ရွာမှ

နွေဆိုရင်လည်း ခြစ်ခြစ်ပူမှ

ဆောင်းဆိုရင်လည်း ခိုက်ခိုက်တုန်မှ

ငိုရင်လည်း ရွှဲရွှဲစိုမှ

လွမ်းရင်လည်း သည်းသည်းလှုပ်မှ

ရယ်ရင်လည်း သိမ့်သိမ့်တုန်မှ

မိုက်ရင်လည်း ကမ်းကုန်မှ

လိမ္မာရင်လည်း အပြစ်ပြောစရာမရှိမှ

မုန်းရင်လည်း ခါးခါးသီးသီးမှ

ချစ်ရင်လည်း တဟစ်ဟစ်အသံမြည်မှ

နောက်ဆုံးရလာဒ်ကတော့

” တယူသန်သမား“ တဲ့….။

တက္ကသိုလ်-မောင်ဒီပါ။

21 ရာစု အယူအဆ

အချစ်ဟာ ပေးဆပ်ခြင်းဆို

ရေနစ်နေတဲ့ငါးက

ခိုကိုးရာမဲ့နေတဲ့ ငှက်အတွက်

လက်ထောင်ပေးရမှာလား……။

ရယူခြင်းဆို

အာဒံနဲ့ဧ၀ရဲ့ဆန္ဒကို

ဒဏ္ဍာရီအမှားလို့

ဘာကြောင့်မထောက်ပြတာလဲ……

၂၀ရာစု ဒဿနပညာရှင်အချို့က

ရေတစ်ခုတည်းနဲ့လဘက်ရည်ဖျော်လို့မရဘူး…

ငွေတစ်ခုတည်းနဲ့အိမ်ထောင်ရေးတည်ဆောက်လို့မရဘူးတဲ့….

၂၁ရာစု မရှိဘူးလို့ထင်ထားပုံရတယ်……။

တကယ်တော့အချစ်ဟာ ဂီတာလိုပါပဲ

ကြွေကွဲခြင်းသံစဉ်နဲ့တီးလို့မရရင်

ဆုံဆည်းခြင်းကာရံနဲ့တီးမယ်….။

ဆုံဆည်းခြင်းနှစ်ပါးသွားနဲ့တီးလို့မရရင်

ငွေရောတဲ့ရော့ဒ်ဂီတာနဲ့ ခပ်ကြမ်းကြမ်းတီးမယ်…….။

တက္ကသိုလ်-နန္ဒ

သိဒ္ဓတ္ထရှင်းတမ်း

လူတိုင်းရဲ့နှလုံးသားမှာ

သစ္စာပန်းစိုက်ပျိုးလိုတဲ့

စေတနာမျိုးစေ့က မင်းကို….

မမျှတစေခဲ့ဘူးဆိုတာ ကိုယ်ယုံကြည်ပါတယ်…။

ဒါပေမယ့်….

အတွေးခေါ်တွေဘောင်ကျဉ်းခဲ့ရင်

ဆင်ခြင်ဖြည့်ဆည်းးခဲ့တဲ့

အတိတ်က ပါရမီဆီမီးတွေက

ငါ့ကို ချောက်လှန့်စည်တီးကြလိမ့်မယ်…။

စွန့်လွှတ်ခဲ့တယ်

ငွေကြေး၊ ဂုဏ်သိက္ခာ၊ ရာထူးနဲ့

ချစ်ခြင်းတရားအငွေ့အသက်

အားလုံး…အားလုံး…အားလုံးကိုပေါ့…။

မင်းအပေါ်ထားတဲ့မြတ်နိုးမှုထက်

သစ္စာတရားကို

သက်ရှိတွေကို သစ္စာပြဖို့

ငါ့အချစ်တွေကို format ချခဲ့တယ်…။

မိုးကောင်းကင်၊ မြေကြီး၊ နတ်ဘုံနတ်နန်း

ဆန်းကြယ်ခြင်းကမ္ဘာလောကတွေမှာ

တို့နှစ်ယောက်ဆုံမှတ်ပေါင်းများစွာနဲ့

လှပတဲ့မေတ္တာတဲနန်းတွေ ကျဲဖြန့်ခဲ့ဖူးတယ်…။

အခု……နေရစ်ခဲ့လေတော့ ယသောဓရာ

မာယာမပါတဲ့ နောက်ဆုံးတွေ့ဆုံခြင်းမှာ

ငါ….မညှာတာခဲ့တာမဟုတ်ပါဘူး

သစ္စာတရားရဲ့အာဝါသမှာ

သတ္တ၀ါတွေကို နေသွားစေချင်တာပါ….။

မင်းညိမ်း(ဒေါင်းဖြူ)

ရင်ခွင်းရိုင်းရဲ့စင်တင်သမိုင်း

ပွဲထွက်ခွင့်မိနစ်အနည်းငယ်အတွက်

အရန်ခုံမှာ နှစ်ရှည်လများ

ပွဲပယ်ခံထားရသူပေါ့။

ကိုယ့်ရင်ဘတ်ကို ငုံ့ကြည့်လိုက်တိုင်း

မင်းပြခဲ့တဲ့အနီကဒ်လေးက

လူးလူးလွန့်လွန့် အောင်ပွဲခံလို့။

အိပ်မက်ကို စိတ်ရှိလက်ရှိထုခွဲကြည့်ရင်း

စိတ်ကူးနဲ့ဘ၀ ဘယ်လိုမှနေသားမကျမှန်းသိသိနဲ့

တစ်ခါတစ်ရံဖရိုဖရဲလေးတွေက

မင်းပါးက သခါးနပ်ရည်ကျဲကျဲလေးလို…..။

ဒီလိုပါပဲကွယ်

ဆုံမှတ်တွေဆွေးရက်ရှည်နေသမျှ

ပင့်သက်တွေ တိတ်တဆိတ်ချောမြှူဖို့

မူမမှန်တဲ့ မိုးသောက်ခြင်းတွေထဲ

ဟိုး…………ဟိုး…….အရိပ်လေးဆီ

တိုးတိုးတိတ်တိတ် တိုင်တည်ရင်း

အလွမ်းနဲ့စီးတဲ့မျက်ရည်မြစ်ထဲ

အလဲလဲကွဲခဲ့တဲ့ နှလုံးသားယဇ်ပွဲမှာ

အလွမ်းတွေ လွတ်လပ်ခွင့်ရတဲ့ခဏ

နေသားမကျသေးတဲ့ဒဏ်ရာလေးတွေအပေါ်

မှင်ရည်မပျက်သေးတဲ့ မင်းနာမည်လေးကိုခေါ်ရင်း

ငါ……..စိတ်ရှိလက်ရှိ

ဟစ်အော်မိပြန်တယ်…..။

လေ့လွင့်ငှက်(ဆပ၀)