လိုက်ရဲလား

အိပ်မက်တောင်လူလူသူသူမက်ခွင့်မရှိသူလေ

များများစားစားဆိုလို့ မာနတွေပဲ

သုံးမကုန်စွဲမကုန် ချမ်းသာသူပေါ့….။

ယုံကြည်ရာကိုသက်သေထားရင်းကပဲ

ကြက်ခြေတွေများလွန်းလှတဲ့အတိတ်နဲ့

အရိပ်မရှိတဲ့လူတစ်ယောက်ပေါ့…..။

ဖိနပ်မပါ  နေပူအောက်

ထီးမမိုးဘဲ လျှောက်ရဲတယ်ဆိုရင်ပေါ့…။

အလင်းရောင်မရှိပါဘူးကွယ်….

တစ်ခါတစ်ရံစိုပြေတဲ့အခါ

မှောင်မိုက်တဲ့ညတွေထဲ

ဖိယောင်းတိုင်မီးနဲ့နေရဲတယ်ဆိုရင်ပေါ့….။

မတောင့်တပါနဲ့ကွယ်

ကြောင့်ကြစရာကြုံလာတဲအခါ

အစာအိမ်နဲ့လွန်ဆွဲ ပိုက်ဆံနဲ့ရန်ဖြစ်ရဲတယ်ဆိုရင်ပေါ့…..။

မလာပါနဲ့ကွယ်…..

မခေါ်ရဲတယ်မထင်ပါနဲ့

အခေါ်ခက်နေတာမို့

ပျော်ရက်တွေမရှိနိုင်တာသိလျက်နဲ့

ကတိတွေဆက်ခိုင်မာနေမယ်ဆိုရင်ပေါ့…..။

ငါ့နှလုံးသားတစ်ခုတည်းနဲ့

ရောင့်ရဲတတ်အောင်နေနော်….။

                                      လေလွင့်ငှက် (ဆပ၀)